सरकार विमानाने दाखविणार देवदर्शन तेही मोफत !

दै. बातमीदार । १५ एप्रिल २०२३ । देशात निवडणुकीचे वारे वाहू लागले आहे. त्यावर आता वेगवेगळ्या राज्यातील मुख्यमंत्री जनतेला मोठे गिफ्टसह अनेक सवलती लागू करीत असताना दिसत आहे. त्यावर आता मध्यप्रदेश सरकारने ज्येष्ठ नागरिकांना मोठी भेट देणार आहे. मुख्यमंत्री शिवराज सिंह चौहान सरकार आता वृद्धांना मोफत तीर्थयात्रा घडवणार आहे. सध्याच्या योजनेचा एक भाग म्हणून, सरकार राज्यातील काही ज्येष्ठ नागरिकांना मोफत तीर्थयात्रेवर नेले जाईल.

एका अधिकाऱ्याने सांगितले की, हा चौहान सरकारच्या ‘मुख्यमंत्री तीर्थ दर्शन योजने’चा एक भाग आहे, जी जून 2012 मध्ये सुरू करण्यात आली होती. आतापर्यंत लाभार्थ्यांना रेल्वेने विविध धार्मिक ठिकाणापर्यंत नेले जात होते. मात्र आता त्यात हवाई प्रवासाचीही भर पडणार आहे. या वर्षाच्या अखेरीस मध्य प्रदेशात विधानसभेच्या 230 जागांवर निवडणुका होणार आहेत.

अतिरिक्त मुख्य सचिव गृह डॉ. राजेश राजोरा यांनी शुक्रवारी सांगितले की, या योजनेंतर्गत 25 जिल्ह्यांतील (राज्यातील एकूण 52 पैकी) पात्र लाभार्थ्यांना 21 मे ते 19 जुलै दरम्यान विमानाने विविध स्थळी यात्रेला नेले जाईल. या योजनेद्वारे ज्येष्ठ नागरिकांना प्रयागराज, शिर्डी, मथुरा-वृंदावन आणि गंगासागर यात्रेला नेले जाईल. सर्व ज्येष्ठ नागरिकांना नियमित सेवा विमानाने या धार्मिक स्थळी नेले जाईल.

चौहान सरकारच्या या प्रमुख योजनेंतर्गत आतापर्यंत लाभार्थ्यांना रेल्वेने तीर्थयात्रेवर नेले जात होते. आता यामध्ये फ्लाइटचा पर्याय समाविष्ट करण्यात येत असल्याचे एका अधिकाऱ्याने सांगितले. ते म्हणाले की, योजनेचा लाभ घेण्यासाठी लाभार्थींचे वय 65 वर्षे किंवा त्यापेक्षा जास्त असावे आणि तो आयकरदाता नसावा. प्रशासनाला प्रत्येक जिल्ह्यासाठी दिलेल्या कोट्यापेक्षा जास्तीचे ज्येष्ठ नागरिकांकडून अर्ज प्राप्त झाल्यास, लॉटरी पद्धतीने लाभार्थ्यांची निवड केली जाईल. या योजनेअंतर्गत 21 मे पासून उड्डाणे सुरू होतील.

21 मे रोजी भोपाळ ते प्रयागराज, 23 मे रोजी आगर माळवा ते शिर्डी, 25 मे रोजी बैतूल ते वृंदावन, 26 मे रोजी देवास ते शिर्डी, 3 जून रोजी खांडवा ते गंगासागर, 4 जून रोजी हरदा ते प्रयागराज, 6 जून रोजी मंदसौर ते शिर्डी आणि 8 जून रोजी नर्मदापुरम ते मथुरा-वृंदावन असा प्रवास होईल. 9 जून रोजी नीमच ते शिर्डी, 15 जून रोजी बारवानी ते गंगासागर, 16 जून रोजी इंदूर ते गंगासागर, 18 जून रोजी दमोह ते प्रयागराज, 19 जून रोजी बुरहानपूर ते गंगासागर, 19 जून रोजी रतलाम ते शिर्डी. 20 जूनला शाजापूर ते शिर्डी, 22 जूनला सागर ते मथुरा-वृंदावन आणि 23 जूनला खरगोन ते गंगासागर.

तसेच 23 जून रोजी उज्जैन ते शिर्डी, 2 जुलै रोजी विदिशा ते प्रयागराज, 3 जुलै रोजी अलीराजपूर ते शिर्डी, 4 जुलै रोजी राजगड ते मथुरा-वृंदावन, 6 जुलै रोजी सिहोर ते मथुरा-वृंदावन. ज्येष्ठ नागरिकांसाठी ७ जुलै रोजी धार ते शिर्डी, १६ जुलै रोजी रायसेन ते प्रयागराज आणि १९ जुलै रोजी झाबुआ ते शिर्डी यात्रेचे आयोजन करण्यात आले आहे. गंगासागरला जाणाऱ्या सर्व यात्रेकरूंना कोलकातामार्गे नेण्यात येईल, असे या अधिकाऱ्याने सांगितले ज्येष्ठ नागरिक विविध तीर्थक्षेत्रांना भेटी देतील