होळीला भांग का पितात? जाणून घ्या सविस्तर !

दै. बातमीदार । २ मार्च २०२३ । देशभरात आता प्रत्येक शहरात होळीची तयारी सुरू झाली आहे. या वर्षी होळी सण ८ मार्च २०२३ रोजी साजरा केला जाणार आहे. होळी सण वेगवेगळ्या ठिकाणी वेगवेगळ्या पद्धतीने साजरा केला जातो. ब्रजमधील होळी अनेक दिवस अगोदर सुरू होते. दुसरीकडे बनारसमध्ये होळीचा सण 2 ते 3 दिवस आधी सुरू होतो. होळीच्या खास प्रसंगी भांग पिण्याची परंपरा फार पूर्वीपासून चालत आलेली आहे. तुम्हाला माहीत आहे का विशेषतः होळीच्या दिवशी भांग का सेवन केले जाते.

होळीमध्ये भांग पिण्याची परंपरा भगवान शिव आणि विष्णू यांच्याशी संबंधित आहे. असे म्हटले जाते की, हिरण्यकश्यप यांनी प्रल्हादला मारण्यासाठी विविध प्रयत्न केले परंतु त्यात ते यशस्वी झाले नाही. यानंतर हिरण्यकश्यपला मारण्यासाठी भगवान विष्णूने नरसिंह अवतार घेतला. हिरण्यकश्यपाचा वध करूनही भगवान नरसिंहाचा राग शांत झाला नाही.

त्यांना शांत करण्यासाठी भगवान शिवाने शरभ अवतार घेतला. भगवान विष्णूच्या नरसिंह अवताराचा भगवान शिवाच्या शरभ अवताराने पराभव केला. यानंतर भगवान नरसिंहाचा राग शांत झाला आणि त्यांनी आपली साल भगवान शिवाला आसन म्हणून दिली. भगवान शिवाच्या विजयाच्या आनंदात कैलासावर एक उत्सव साजरा करण्यात आला आणि त्या दरम्यान भांग देखील वाटण्यात आली, जे पिल्यानंतर सर्व शिवभक्त डोलायला लागले आणि तेव्हापासून होळीच्या वेळी भांग पिण्याची प्रथा सुरू झाली. अनेकांना होळीचा सण भांग शिवाय अपूर्ण वाटतो. शास्त्रानुसार, समुद्रमंथनाच्या वेळी भगवान शिवाने विषाचे सेवन केले होते, त्यामुळे त्यांच्या शरीरात तीव्र जळजळ होऊ लागली, त्यांचे शरीर थंड करण्यासाठी त्यांना पाणी, बेलपत्र आणि इतर सर्व वस्तू अर्पण केल्या गेल्या. यात भांग यांचा समावेश होता. म्हणूनच भगवान शिवाला प्रसाद म्हणून भांग अर्पण केले जाते.