अमरनाथ यात्रेला सुरुवात ; पहिली तुकडी रवाना !

दै. बातमीदार । १ जुलै २०२३ ।  देशात सर्वात मोठी यात्रा मानली जाणारी बाबा अमरनाथ यात्रेला आजपासून म्हणजेच १ जुलैपासून सुरुवात होत आहे. अमरनाथ यात्रेकरूंची पहिली तुकडी शुक्रवारी सकाळी जम्मूहून पवित्र गुहेकडे रवाना झाली. पहाटे ४.१५ च्या सुमारास पूजा-अर्चना केल्यानंतर पहिल्या तुकडीला नायब राज्यपाल आणि अमरनाथ श्राइन बोर्डाचे अध्यक्ष मनोज सिन्हा यांनी हिरवा झेंडा दाखवला. यादरम्यान जम्मू बेस कॅम्पमधील संपूर्ण वातावरण महादेवाच्या जयघोषात रंगले होते. महादेवाचा जयघोष करत भाविकांनी प्रवासाला सुरुवात केली. शुक्रवारीच ही तुकडी अनंतनागमार्गे दुपारपर्यंत नुनवान बेस कॅम्पला पोहोचली होती. येथे काश्मिरींनी पुष्पहार घालून प्रवाशांचे स्वागत केले. यावेळी ही यात्रा 62 दिवस चालणार आहे. वास्तविक, यावेळी श्रावण दोन महिन्यांसाठी आहे.

पहिल्या दिवशी बालटाल मार्गासाठी एकूण 2189 यात्रेकरूंना टोकन देण्यात आले. यापैकी बालटाल मार्गासाठी 135 यात्रेकरूंची तात्काळ नोंदणी पंचायत भवन नोंदणी केंद्रावर झाली. श्री अमरनाथ श्राइन बोर्डचे मुख्य कार्यकारी अधिकारी मनदीप कुमार भंडारी म्हणाले की, गेल्या वर्षीच्या तुलनेत यावेळी 10 टक्के जास्त नोंदणी झाली आहे. आतापर्यंत ३ लाखांहून अधिक भाविकांनी नोंदणी केली आहे.

बालटालहून जाणारा छोटा रस्ता यंदा खूप विकसित झाला आहे. १६ किमीच्या या मार्गावर १० किमी कच्चा-पक्का रस्ता तयार झाल्याने मार्ग सुकर झाला आहे. तथापि, ६ किमी रस्ता अद्याप अरुंद आहे. यात्रेची सुरक्षा पाच थरांमध्ये विभागली आहे. गुहेजवळ प्रथमच आयटीबीपीने आघाडी उघडली आहे. यात्रेसाठी सर्वप्रथम श्रीनगरला यावे लागेल. तेथून टॅक्सीद्वारे सुमारे १०० किमी दूर बालटालला पोहोचावे लागेल. बालटालहून गुहेकडे जाणारा सुरुवातीचा ८०० मीटर डांबरी रस्ता तयार आहे. पुढे २ किमी डोमेलपर्यंत पेव्हर ब्लॉकचा रस्ता बनवला आहे. दोन्ही रस्ते पुरेसे रुंद आहेत. डोमेलहून पुढे बराडीपर्यंत ८ किमी रस्ता कच्चा असला तरी तो रुंद करण्यात आला आहे आणि चांगला आहे. त्याच्या पुढे सुमारे ५ किमी रस्ता थोडा खडतर आहे. येथे उतारासह कठीण चढाईदेखील आहे.