जोरदार पावसाचा कहर ; १६ जणांना गमवावा लागला जीव !

दै. बातमीदार । २७ जून २०२३ ।  देशात गेल्या महिन्यापासून बदलत्या हवामानामुळे अनेक ठिकाणी जोरदार पावसाचा कहर सुरु झाल्याने अनेकांचे नुकसान झाले असून पाच राज्यांमध्ये १६ जणांना आपला जीव गमवावा लागला.

राजस्थानमध्ये वीज पडण्याच्या वेगवेगळ्या घटनांमध्ये ४ जणांचा मृत्यू झाला. उत्तराखंडमध्ये पावसामुळे तीन जणांचा मृत्यू झाला. उत्तर प्रदेशातील अयोध्येत भिंत कोसळून दोघांचा मृत्यू झाला. हिमाचल प्रदेशात मंडी जिल्ह्यात २०० लोक पुरात अडकले आहेत. २५ राज्यांना अलर्ट झारखंड, : उत्तराखंड, जम्मू-काश्मीर, मध्य प्रदेश, गोवा, छत्तीसगड, आसाम, मेघालय, नागालँड, मणिपूर, त्रिपुरा, ओडिशा पश्चिम बंगाल, उत्तर प्रदेश, पंजाब, दिल्ली आदी राज्यांत मुसळधार पाऊस पडू शकतो.