EMI च्या सुविधेने करा ज्योतिर्लिंग यात्रा ; IRCTC ची खास ऑफर

advt office
बातमी शेअर करा...

दै. बातमीदार । १४ ऑक्टोबर २०२२ । तुम्हाला जर धार्मिकस्थळी भेट देण्याची आवड असेल तर हि बातमी तुमच्यासाठी खूप महत्वाची आहे. त्यातच तुम्हाला जेवण, राहणे आता सर्वात सुलभ पर्याय आला आहे. IRCTC च्या या खास पॅकेजमधून तुमचे तिकीट लवकर बुक करा. कारण, IRCTC ने 4 ज्योतिर्लिंगांच्या दर्शनाच्या खास टूरची योजना आणली आहे. 15 ऑक्टोबर ते 22 ऑक्टोबर दरम्यान ‘स्वदेश दर्शन ट्रेन’ चालवल्या जाणार आहेत. या विषयी माहिती IRCTCचे सीनियर एक्झिक्युटीव्ह नवनीत गोयल यांनी दिली आहे.

प्रश्न- IRCTC कडून अशा सहलींचे अनेक वेळा नियोजन करण्यात आले आहे, यावेळी विशेष काय आहे?
उत्तर- या संपूर्ण ट्रिपचा खर्च एका व्यक्तीसाठी 15 हजार 150 रुपये आहे. प्रत्येकजण अचानक इतके पैसे देऊ शकत नाही. त्यामुळेच IRCTC ने प्रवाशांना EMI सुविधाही दिली आहे. ज्यामध्ये तुम्ही दरमहा फक्त 536 रुपये EMI भरून या सहलीचा आनंद घेऊ शकता.

प्रश्‍न- आम्हाला या सहलीबद्दल आज म्हणजेच 14 ऑक्‍टोबरला कळले आहे आणि उद्या 15 ऑक्‍टोबरपासून चारही ज्योतिर्लिंगांच्या दर्शनासाठी ट्रेन निघणार आहे, मग आम्ही आरक्षण कधी करू शकतो? नवनीत गोयल- तुम्ही 14 ऑक्टोबरपर्यंत आरक्षण करू शकता आणि 15 ऑक्टोबरला सहलीला जाऊ शकता.

प्रश्न- चार ज्योतिर्लिंगांची यात्रा किती दिवसांची असेल?
उत्तर- एकूण 7-8 दिवसांची असेल. म्हणजे तुम्ही 15 ऑक्टोबरला सहलीला निघाल आणि 22 ऑक्टोबरला घरी परताल.

प्रश्न- बरं, EMI विषयी थोडं तपशीलवार सांगा, ही सुविधा कशी उपलब्ध होईल?
नवनीत गोयल- बघा, तुम्ही कधीतरी ऑनलाइन वस्तू खरेदी केल्या असतील. पेमेंट करण्यापूर्वी तुमच्यासाठी काही पर्याय उपलब्ध असतात.

उदाहरणार्थ, तुम्ही EMI मध्ये पेमेंट कराल किंवा संपूर्ण पेमेंट एकत्र कराल. अगदी तसेच, जेव्हा तुम्ही तुमची ट्रिप IRCTC मध्ये बुक कराल, त्यावेळी तुमच्याकडे EMI आणि पूर्ण पेमेंट दोन्ही पर्याय असतील. तुमच्या सोयीनुसार तुम्ही पेमेंट करू शकता.

प्रश्न- या ट्रिपला जाण्यासाठी ट्रेन कोणत्या स्टेशनवरून उपलब्ध असेल?

उत्तर- ट्रेन गोरखपूर, वाराणसी, प्रयागराज संगम, लखनौ आणि वीरांगना लक्ष्मीबाई (झाशी) मधून जाईल. तुम्ही तुमच्या सोयीनुसार कोणत्याही स्टेशनवरून ट्रेन घेऊ शकता.

तुम्ही 15 ऑक्टोबरला ट्रेनमध्ये चढाल आणि दुसऱ्या दिवशी म्हणजे 16 ऑक्टोबरला सकाळी उज्जैनला पोहोचाल.
धर्मशाळेत आंघोळ करून आवरल्यानंतर तुम्हाला नाष्टा मिळेल.
त्यानंतर महाकालेश्वर ज्योतिर्लिंग मंदिरात दर्शनाची सोय होईल आणि रात्री धर्मशाळेतच जेवण असेल.

तिसर्‍या दिवशी म्हणजे 17 ऑक्टोबरला तुम्ही धर्मशाळेतून नाष्टा करून चेकआउट कराल आणि दुपारी ओंकारेश्वर ज्योतिर्लिंगासाठी निघाल.
17 ऑक्टोबर रोजी ओंकारेश्वर ज्योतिर्लिंगाचे दर्शन घेतल्यानंतर तुम्ही पुन्हा स्टेशनवर याल आणि सोमनाथसाठी ट्रेनमध्ये चढाल.
तुम्ही 18 ऑक्टोबर रोजी सोमनाथला पोहोचाल आणि धर्मशाळेत स्नान, चेंज आणि नाष्टा केल्यानंतर तुम्ही सोमनाथ ज्योतिर्लिंगाचे दर्शन घ्याल.

नंतर दर्शन आणि दुपारचे जेवण झाल्यावर स्टेशनवर परत याल आणि द्वारकेसाठी ट्रेनमध्ये चढाल.

19 ऑक्टोबरला तुम्ही द्वारकेला पोहोचाल. धर्मशाळेत आंघोळ, चेंज आणि नाष्टा कराल. मग द्वारकाधीश मंदिर आणि नागेश्वर ज्योतिर्लिंगाला भेट देण्यासाठी बाहेर जाल.

नागेश्वर ज्योतिर्लिंगाचे दर्शन घेतल्यानंतर, तुम्हाला जेट्टीवर सोडले जाईल, जिथे तुम्ही बेट द्वारकेला भेट द्याल.
तुमची इच्छा असल्यास, तुम्ही वेगळे शुल्क भरून बेट द्वारकाला जाण्यासाठी बोट बूक करू शकता. त्याच दिवशी तुम्ही द्वारकेला परत जाल आणि धर्मशाळेत विश्रांती घ्याल.

दुसऱ्या दिवशी धर्मशाळेत नाष्टा केल्यानंतर चेकआउट होईल. तुम्ही सामान घेऊन शिवराजपूर बीचवर जाल.
यानंतर म्हणजेच 20 ऑक्टोबरला तुम्हाला स्टेशनवर परत जावे लागेल आणि तुमच्या घरासाठी ट्रेनमध्ये चढावे लागेल.
प्रश्न- जर आपण 20 ऑक्टोबर रोजी ट्रेनमध्ये चढलो तर कोणत्या तारखेला आपण घरी पोहोचू?
उत्तर- तुमच्या ट्रेनचे बोर्डिंग स्टेशन जे होते, तिथेच तुम्हाला घरी जाण्यासाठी उतरावे लागेल.

ट्रेन 21 ऑक्टोबरला संध्याकाळी थांबेल – वीरांगना लक्ष्मीबाई स्टेशन
ट्रेन 21 ऑक्टोबरच्या संध्याकाळी थांबेल – लखनौ स्टेशन
ट्रेन 22 ऑक्टोबरला सकाळी थांबेल – प्रयागराज संगम
ट्रेन 22 ऑक्टोबरला सकाळी थांबेल – वाराणसी स्टेशन
ट्रेन 22 ऑक्टोबर रोजी दुपारी थांबेल – गोरखपूर स्टेशन
इथे तुमचा प्रवास संपतो.

जाता-जाता कोणत्या सुविधांसाठी अतिरिक्त पैसे लागतील?
पर्सनल केअर , लॉन्ड्री, वैद्यकीय सुविधा, कुठेही फिरण्यासाठीचे प्रवेश शुल्क , नौकाविहार शुल्क, पर्यटन मार्गदर्शक/गाईड वर नमूद केलेल्या सर्व गोष्टींसाठी तुम्हाला स्वतंत्रपणे पैसे द्यावे लागतील.
या सहलीसाठी तुम्ही खाली दिलेल्या IRCTC वेबसाइटला भेट देऊन बुकिंग करू शकता.
https://www.irctc.co.in/nget/train-search
स्टोरी वाचूनही तुमच्या मनात काही गोंधळ उरला असेल किंवा तुम्हाला काही विचारायचे असेल किंवा समजून घ्यायचे असेल तर तुम्ही या नंबरवर कॉल करून विचारू शकता-
लखनौ-8287930902/ 8287930908/8287930909
पर्यटन भवन, गोमती नगर, लखनौमधील IRCTC कार्यालयाशी देखील संपर्क करू शकता.

बातमी शेअर करा...
Jain advt

दै. बातमीदार चे अपडेट्स मिळवण्यासाठी आम्हाला फॉलो करा

फेसबुकट्विटर ।युट्युब | इंस्टाग्राम | गुगल न्यूज | टेलिग्राम