वाकोद येथे पोलीस भरती प्रशिक्षण व निशुल्क सराव चाचणी सुरू गौराई स्पर्धा परीक्षा केंद्रातर्फे आयोजन

महाराष्ट्र शासनाने यावर्षी १७,४४१ जागांसाठी महापोलीस भरती जाहीर केली आहे. याशिवाय, आगामी काळात सरळ सेवा, महाराष्ट्र लोकसेवा आयोग गट ब, गट क आणि इतर परीक्षा देखील होणार आहेत.

यासाठी, भवरलाल अँड कांताबाई जैन फाउंडेशनने वाकोद येथे गौराई स्पर्धा परीक्षा मार्गदर्शन केंद्र सुरू केले आहे. पंचक्रोशीतील स्पर्धा परीक्षा देणाऱ्या युवक-युवतींसाठी मोफत मार्गदर्शन केंद्र, अभ्यासिका व ग्रंथालय सुविधा उपलब्ध करून दिल्या आहेत. या अंतर्गत, शनिवार व रविवार विद्यार्थ्यांना प्रत्यक्ष मार्गदर्शन वर्ग घेतले जातात, ज्यात राज्यातील नामवंत स्पर्धा परीक्षा मार्गदर्शक मार्गदर्शन करतात.

या केंद्रातर्फे २७ मे ते ५ जून दरम्यान विनामूल्य पोलीस भरती सराव परीक्षेचे आयोजन करण्यात आले आहे. या सराव परीक्षा सकाळी ९ ते ११ या वेळेत गौराई कृषी तंत्रनिकेतन महाविद्यालयाच्या सभागृहात होणार आहे. सराव परीक्षेत गुणवत्ता यादीत येणाऱ्या विद्यार्थ्यांना बक्षिसे दिली जातील. या परीक्षा २७ मे आणि १ ते ४ जून दरम्यान संपन्न होणार आहेत. अधिकाधिक युवक-युवतींनी या उपक्रमाचा लाभ घ्यावा, असे आवाहन आयोजकांनी केले आहे. अधिक माहितीसाठी आणि नाव नोंदणीसाठी ७०५७४४६९१६ या क्रमांकावर व्हाट्सअपद्वारे संपर्क साधावा.