![](https://ebatmidar.com/wp-content/uploads/2023/11/Batmidar-3-7.jpg)
बातमीदार | ८ नोव्हेबर २०२३
जळगाव शहरातील राजकमल टॉकीज आणि सुभाष डेअरीच्या पाठीमागे या दोन ठिकाणी बेकायदेशीर सुरू असलेल्या सट्टा, मटका क्लबवर सहाय्यक पोलीस अधिक्षक संदीप गावित यांच्या पथकाने छापा टाकून ४ जणांवर कारवाई करण्यात आली. पोलीसांनी केलेल्या दोन ठिकाणच्या कारवाईत एकूण ३ हजार ३९० रुपये किमतीचा मुद्देमाल हस्तगत केला आहे.
मिळालेल्या माहितीनुसार, जळगाव शहरातील शहर पोलीस ठाण्याच्या हद्दीतील सुभाष डेअरी आणि शनीपेठ पोलिस ठाण्याच्या हद्दीतील राजकमल टॉकीज परिसरात अवैधरित्या सट्टा व मटका क्लब सुरू असल्याची गोपनिय माहिती सहाय्यक पोलीस अधिक्षक संदीप गावित यांना मिळाली. त्यानुसार त्यांनी पथकाला कारवाई करण्याच्या सूचना दिल्या. मंगळवारी ७ नोव्हेंबर रोजी दुपारी १ ते २ वाजेच्या दरम्यान पथकाने दोन्ही ठिकाणी छापा मारून संशयित आरोपी सचिन आनंदा जाधव, संजय भाऊलाल चौधरी आणि सखाराम भटू चौधरी या तिघांना ताब्यात घेतले तर राजू पाटील हा फरार झाला आहे. पोलीसांनी केलेल्या करवाईत ३ हजार ३९० रुपये किमतीचा मुद्देमाल हस्तगत करण्यात आला आहे. याप्रकरणी सायंकाळी संशयित आरोपींवर गुन्हा दाखल करण्याचे काम सुरू होते. विभागीय पोलीस अधिकारी संदीप गावित यांच्या मार्गदर्शनाखाली पोलीस कॉन्स्टेबल सचिन साळुंखे, नाना तवर, पोलीस हेडकॉन्स्टेबल रवींद्र बोदवडे, पोलीस कॉन्स्टेबल राहुल पाटील, बालाजी बारी, मनोहर वानखेडे यांनी कारवाई केली आहे.
![Jain advt](https://ebatmidar.com/wp-content/uploads/2022/08/IMG_1987.jpg)
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम