स्कूल बसचा भीषण अपघात; ५ जण ठार, २५ गंभीर जखमी

दै. बातमीदार | ३ एप्रिल २०२४ । उत्तर प्रदेशातील बाराबंकीमध्ये भीषण अपघात झाल्याची बातमी समोर आले आहे. लहान मुलांनी भरलेली भरधाव स्कूल बस उलटून ४ मुलांसह ५ जणांचा जागीच मृत्यू झाला असून अनेक मुले गंभीर जखमी झाले आहेत. घटनेनंतर स्थानिकांनी तात्काळ जखमी मुलांना जवळच्या रुग्णालयात दाखल केले.

सूत्रांकडून प्राप्त माहितीनुसार, बाराबंकीच्या देवा पोलीस स्टेशन हद्दीतील सालारपूरमध्ये हा अपघात झाला. बसमधील सर्व मुले बाराबंकीच्या सुरतगंज विकास गटातील हरक्का गावातील असून सर्व शाळकरी मुले शिक्षकांसह लखनौला शैक्षणिक सहलीसाठी गेले होते. लखनौहून परत येत असताना हा अपघात झाला. समोरुन येणाऱ्या एका दुचाकीस्वाराला वाचवण्याच्या प्रयत्नात बसचे नियंत्रण सुटले आणि यानंतर बस उलटली.

बसमध्ये सुमारे ४० मुले आणि ५ शिक्षक होते. या अपघातात ४ शाळकरी मुलांसह बसमधील एका कर्मचाऱ्याचा जागीच मृत्यू झाला, सूमारे २५ विद्यार्थी गंभीर जखमी झाले असून यातील काहींची प्रकृती धक्कादायक असल्याचे सांगण्यात येत आहे. सध्या त्यांच्यावर जिल्हा रुग्णालयात उपचार सुरू आहे.