केसीई शिक्षणशास्त्र व शारीरिक शिक्षणशास्त्र महाविद्यालयात गुरुवारी कार्यशाळा

दै. बातमीदार । २ एप्रिल २०२४ । खान्देश कॉलेज एज्युकेशन सोसायटी संचलित शिक्षणशास्त्र आणि शारीरिक शिक्षणशास्त्र महाविद्यालय आणि विद्यार्थी विकास विभाग, कवयित्री बहिणाबाई चौधरी उत्तर महाराष्ट्र विद्यापीठ यांच्या संयुक्त विद्यमाने आयोजित ” पर्यावरण संवर्धन व जनजागृती अभियान कार्यशाळा ” ४ एप्रिल रोजी सकाळी १० वाजता महाविद्यालयात होणार आहे.

या कार्यशाळेत मूळजी जेठा महाविद्यालयाचे प्रा. डॉ.सहदेव जाधव, प्रा. डॉ.चेतन महाजन, प्रा. डॉ.एस.डी. भंगाळे मार्गदर्शन करणार आहेत. या कार्यशाळेचा समारोप उपप्राचार्य डॉ.केतन चौधरी यांच्या उपस्थितीत होईल. या कार्यशाळेच्या यशस्वितेसाठी प्राचार्य डॉ.अशोक राणे यांच्या मार्गदर्शनाने शारीरिक शिक्षण विभागाचे प्रमुख डॉ.नीलेश जोशी, प्रा.सारिका सोनवणे, प्रा. डॉ.पूनम जमधडे परिश्रम घेत आहेत.