आशा वर्कर्स लेडीजमध्ये सायबर सुरक्षा जनजागृती; इम्पॅक्ट सेशनला उत्स्फूर्त प्रतिसाद

जळगाव : आशा वर्कर्स लेडीज, नवीपेठ, जळगाव येथे शनिवार, दि. ८ ऑगस्ट २०२६ रोजी सकाळी १०.३० ते ११.३० या वेळेत सायबर सुरक्षा जनजागृती विषयावर विशेष इम्पॅक्ट सेशन व ॲक्टिव्हिटी आयोजित करण्यात आली.

या वेळी प्रियदर्शनी भांडारकर आणि खुशबू लांबोळे यांनी उपस्थितांना सायबर सुरक्षेबाबत महत्त्वपूर्ण मार्गदर्शन केले. ऑनलाइन फसवणूक, फिशिंग, विशिंग, स्मिशिंग, ओटीपी व पासवर्ड सुरक्षितता, मजबूत पासवर्डचे महत्त्व, 2-Factor Authentication, सोशल मीडियाचा सुरक्षित वापर तसेच बनावट लिंक आणि QR कोड स्कॅमपासून सावध राहण्याबाबत माहिती देण्यात आली.

यासोबतच सायबर बुलिंग, डिजिटल गोपनीयता, अनोळखी व्यक्तींशी ऑनलाइन संपर्क टाळणे, मोबाईल ॲप्स डाउनलोड करताना घ्यावयाची खबरदारी आणि सायबर गुन्ह्यांपासून बचावाच्या उपाययोजना याबाबतही सविस्तर मार्गदर्शन करण्यात आले.

संवादात्मक व प्रभावी पद्धतीने झालेल्या या इम्पॅक्ट सेशन व ॲक्टिव्हिटीला उपस्थितांचा उत्स्फूर्त प्रतिसाद मिळाला. सहभागी व्यक्तींनी विविध प्रश्न विचारून सायबर सुरक्षेबाबत माहिती जाणून घेतली. तसेच ऑनलाइन व्यवहार करताना सतर्क राहण्यासह सुरक्षित डिजिटल जीवनशैलीचा अवलंब करण्याचा संकल्प केला.

या उपक्रमासाठी आशा वर्कर्स लेडीज, नवीपेठ, जळगाव येथील उपस्थितांचे मोलाचे सहकार्य लाभले.