बातमीदार| २ सप्टेंबर २०२३ | सलमान खानचा कुठलाही चित्रपट आला कि तो सुपरहिट होतोच, कारण त्याचे चाहते देखील मोठ्या प्रमाणात आहे. नुकतेच सलमान खानच्या एका नव्या चित्रपटाचे पोस्टर प्रदर्शित झाले असल्याने आता यंदाची दिवाळी सलमान खानचीच असणार आहे. सलमान खान आणि कतरिना कैफ यांचा ‘टायगर ३’ हा चित्रपट दिवाळीत प्रदर्शित होण्यासाठी सज्ज झाला आहे.
सलमान खानने हे पोस्टर इंग्लिश, हिंदी, तामिळ आणि तेलगू या भाषांमध्ये शेअर केले आहे. लवकरच ‘टायगर ३’चा टीझर देखील प्रदर्शित होणार आहे. सलमान खानने त्याच्या इंस्टाग्रामवरून त्याच्या आगामी चित्रपटाचे पोस्टर शेअर केले आहे. पोस्टरवरून चित्रपटाचे प्लॉट म्हणजे कथा काय रिव्हील झाले आहे. टायगर जिंदा है, वॉर, पठान या चित्रपटांच्या कथांवर आधारित, असे पोस्टरवर लिहिले आहे. सलमान खान ने पोस्टर शेअर करत पोस्टच्या कॅप्शनमध्ये लिहिले आहे की, ‘आ रहा हू.. या दिवाळीत टायगर ३ प्रदर्शित होणार. ही दिवाळी टायगर ३ आणि यशराज सोबत साजरी करा. चित्रपट हिंदी, तामिळ आणि तेलगू भाषांमध्ये होणार प्रदर्शित.
कतरिना कैफने देखील चित्रपटाचे पोस्टर शेअर केले असून कॅप्शनमध्ये लिहिले आहे, ‘नो लिमिट्स, नो टर्निंग बॅक टायगर ३ या दिवाळीत तुमच्या भेटीला. टायगर ३ चित्रपट मनीष शर्मा यांनी दिग्दर्शित केला आहे. या चित्रपट यशराज फिल्मच्या स्पाय युनिव्हर्सचा भाग आहे. या चित्रपटाची निर्मिती आदित्य चोप्रा यांनी केली आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
