नवाब मलिक यांना भाजपची ऑफर ; राष्ट्रवादीच्या दिग्गज नेत्याचा दावा !

बातमी शेअर करा...

बातमीदार | १२ ऑगस्ट २०२३ | तब्बल १७ महिन्यानंतर राष्ट्रवादीचे नेते नवाब मलिक यांना जामीन मिळाला आहे. पण अवघ्या दोन महिन्यांसाठी मलिक यांना जामीन देण्यात आला आहे. आरोग्याच्या कारणास्तव मलिक यांना जामीन देण्यात आला आहे. कागदपत्रांची पूर्तता झाल्यानंतर येत्या एक ते दोन दिवसात मलिक तुरुंगाबाहेर येणार आहेत. त्यामुळे मलिक अजितदादा गटात जाणार की शरद पवार गटात जाणार? मंत्रीपदी बसणार की राष्ट्रवादीचे काम करणार? याकडे सर्वांचे लक्ष लागलेले आहे. मलिक यांच्या आगामी भूमिकेबाबत सस्पेन्स असतानाच राष्ट्रवादीच्या शरद पवार गटाच्या एका बड्या नेत्याने मोठा दावा केला आहे. त्यामुळे सर्वांच्या भुवया उंचावल्या आहेत.

राष्ट्रवादीचे बडे नेते, आमदार एकनाथ खडसे यांनी मीडियाशी संवाद साधताना एक मोठा दावा केला आहे. शरद पवार यांचे नवाब मलिक यांच्यावर उपकार आहेत. शरद पवार यांनी मलिक यांना राजकारणात अनेक वेळा संधी दिली आहे. मलिक यांचेही पक्षासाठी मोठे योगदान आहे. पण मलिक हे शरद पवार यांच्यासोबत राहतील यात शंका नाही. नवाब मलिक हे जर भाजपमध्ये केले तर ते स्वच्छ होऊन बाहेर येतील. त्यामुळे ते कुठे जाणार हे काळच ठरवेल. भाजप त्यांना पक्षात येण्यासाठी ऑफर देऊ शकतो, असा दावा एकनाथ खडसे यांनी केला आहे. खडसे यांनी यावेळी मंत्रिमंडळ विस्तारावरही टीका केली. भाजप जवळ एक अशी मशीन आहे. माणूस घाणेरडा असला तरी या मशीनमध्ये स्वच्छ होतो. या तीन इंजिनच्या सरकारमध्ये आपसात अनेक भानगडी आहेत. एकनाथ शिंदे आणि देवेंद्र फडणवीस या दोघांचे जमत नव्हते. त्यातच राष्ट्रवादी आल्यामुळे सत्तेची वाटणी झाली. तीन इंजिनच्या सरकारमध्ये कुरघोडी मोठ्या प्रमाणात आहे, असेही खडसे म्हणाले.

बातमी शेअर करा...
Jain advt

दै. बातमीदार चे अपडेट्स मिळवण्यासाठी आम्हाला फॉलो करा

फेसबुकट्विटर ।युट्युब | इंस्टाग्राम | गुगल न्यूज | टेलिग्राम