जनतेच्या खिश्याला बसणार फक्त ; १ जुलैपासून किमती वाढणार !

दै. बातमीदार । २७ जून २०२३ ।  देशात महागाईचा डोंगर मोठा होत असतांना पुन्हा एकदा जुलै महिन्याच्या सुरुवातील नागरिकांना महागाईचा सामना करावा लागणार आहे. दर महिन्याच्या १ तारखेस काही वित्तीय बदल देशात लागू होत असतात. त्याचा सामान्य लोकांच्या खिशावर बरा-वाईट परिणाम होत असतो. त्यानुसार, येत्या १ जुलैपासून सामान्य माणसाच्या खिशावर परिणाम करणारे ३ वित्तीय बदल देशात लागू होतील.

स्वयंपाकाच्या गॅसच्या किमतींपासून सीएनजी-पीएनजीच्या किमतींपर्यंतच्या निर्णयांचा त्यात समावेश आहे. चला तर याबाबत जाणून घेऊ या. एलपीजी सिलिंडरच्या दरात कंपन्या प्रत्येक महिन्याच्या १ तारखेला आढावा घेत असतात. त्यानुसार १ जुलै रोजी गॅसच्या किमतीत बदल होऊ शकतो. मे आणि एप्रिलच्या १ तारखेला सिलिंडर स्वस्त झाला होता.

विदेशात क्रेडिट कार्डावरील व्यवहारावर टीसीएस शुल्क लागू शकते. त्यानुसार, ७ लाखांपेक्षा अधिक खर्च झाल्यास २० टक्के टीसीएस लागेल. शिक्षण आणि वैद्यकीय खर्चावरील शुल्क मात्र घटून ५ टक्के होईल. विदेशातील शिक्षणासाठी ७ लाखांपेक्षा अधिक कर्ज घेतल्यास संबंधित रकमेवर ०.५ टक्के टीसीएस शुल्क लागेल. सीएनजी व पीएनजीचे दर प्रत्येक महिन्याच्या १ तारखेला वितरण कंपन्यांकडून निश्चित केले जातात. त्यानुसार १ जुलै रोजी सीएनजी व पीएनजीच्या किमतींत बदल होईल.