मोदी द्वेष आणि हिंसाचार पसरवताय ; राहुल गांधी !

बातमीदार | ३० सप्टेंबर २०२३ | देशात आगामी लोकसभेच्या तयारीसाठी सर्वच पक्षांनी आपले काम सुरु केले असून कॉंग्रेस देखील मोठ्या ताकदीने कामाला लागली आहे. यात राहुल गांधी जोरदार भाषण ठोकून जनतेच्या टाळ्या मिळवत आहे. शनिवारी राहुल शाजापूर जिल्ह्यातील कालापिपल विधानसभा मतदारसंघातील पोलईकलनमध्ये काँग्रेसच्या जनआक्रोश यात्रेत सामील झाले.

मध्य प्रदेशातील शाजापूरमध्ये काँग्रेस खासदार राहुल गांधी यांनी जात जनगणनेवरून केंद्र सरकार आणि पंतप्रधान नरेंद्र मोदींना धारेवर धरले. ते म्हणाले, ‘नरेंद्र मोदी ओबीसी सरकार चालवत नाहीत. ते दलित आणि आदिवासींसाठीही काम करत नाहीत. त्यांचे काम लक्ष विचलित करणे, द्वेष आणि हिंसाचार पसरवणे आहे. हे काम आरएसएसने त्यांच्यावर सोपवले आहे.

ते बैठकीत म्हणाले, ‘भारत 90 अधिकारी (कॅबिनेट सचिव आणि भारत सरकारचे सचिव) चालवतात. पैसा कुठे जाणार हे ते ठरवतात पण यातील फक्त तीन अधिकारी ओबीसी आहेत. संपूर्ण भारताच्या अर्थसंकल्पात ओबीसी अधिकाऱ्यांचा केवळ 5% सहभाग आहे. तर, भारतातील ओबीसी लोकसंख्या 50% आहे. काँग्रेस खासदार पुढे म्हणाले, ‘देशासमोर एकच मुद्दा आहे – जात जनगणना. किती ओबीसी आहेत? त्यांचा सहभाग काय असावा? जेव्हा मी जातीच्या जनगणनेचा प्रश्न उपस्थित करतो तेव्हा भाजपचे लोक थरथर कापायला लागतात. नरेंद्र मोदी पळू लागले. अमित शहा हिंदू-मुस्लिम करणार. काँग्रेसचे सरकार आल्यावर आम्ही हे पहिले काम करू.