एमपीएससीमधील तिसऱ्या आलेल्या तरुणीचा आढळला मृतदेह !

दै. बातमीदार । २० जून २०२३ ।  एमपीएससीच्या परीक्षेत तिसऱ्या आलेल्या मुलीचा कुजलेल्या अवस्थेत मृतदेह राजगड घेरा व गुंजवणे गाव (सती) हद्दीतील राजगड पथ गुंजवणे येथे आढळल्याने खळबळ उडाली आहे. याबाबत माहिती मिळताच वेल्हे पोलिस ठाण्याचे सहायक पोलिस निरीक्षक मनोज पवार यांनी घटनास्थळी पाहणी केली. स्थानिक माहितीच्या आधारे त्याच्या कुटुंबीयांशी संपर्क साधून त्याची ओळख पटवण्यात यश आले. दर्शना दत्तू पवार (वय 26, मूळ सहजानंद नगर, कोपरगाव) असे मृत तरुणीचे नाव आहे. संबंधित तरुणी महाराष्ट्र लोकसेवा आयोगाची परीक्षा राज्यात तिसऱ्या क्रमांकाने उत्तीर्ण झाली आहे.

मृत मुलीचे वडील दत्तू दिनकर पवार यांनी दिलेल्या माहितीनुसार, दर्शना ही वनविभागाची (आर, एफ, ओ) परीक्षा उत्तीर्ण झाल्याबद्दल सत्कार करण्यासाठी ९ जून रोजी पुण्यात आली होती. यानंतर ती दुसऱ्या दिवशी 10 तारखेला चार वाजेपर्यंत कुटुंबाशी संपर्कात होती. पण त्यानंतर तिने फोन उचलला नाही, पुण्यात चौकशी केली असता ती तिचा मित्र राहुल दत्तात्रेय हंडोरे सोबत सिंहगड आणि राजगड बघायला गेली होती असे कळले. मात्र, दोघेही संपर्कात नाहीत आणि परतही आले नाहीत, त्यामुळे सिंहगड रोड पोलिस ठाण्यात हरवल्याची तक्रार दाखल केली असून सर्वत्र तपासणी करत आहे.

राजगड पायथा येथेही तपास केला पण कोणताही सुगावा लागला नाही म्हणून गुंजवणे येथील लोकांना दर्शनाचा फोटो आणि आमचा मोबाईल नंबर दिला. काही माहिती मिळाल्यास माहिती देण्यास सांगितले असल्याचे नातेवाइकांनी सांगितले. (रविवार 18 जून) काही तरूण ग्रामीण भागात गेले असता त्यांना मुलीचा मृतदेह छिन्नविछिन्न अवस्थेत आढळून आला. तरुणांनी तात्काळ गावातील प्रतिष्ठित लोकांना माहिती दिली.

सहाय्यक पोलीस निरीक्षक मनोज पवार यांनी सांगितले की, त्यांनी तत्काळ वेल्हे पोलिसांना माहिती देऊन घटनास्थळी पोहोचून मृतदेहाचे वर्णन कुटुंबीयांना केले व त्या आधारे मृतदेहाची ओळख पटली असून मृत्यूचे कारण कळू शकले नाही. ‘एमपीएससी’ परीक्षेत यश मिळाल्याबद्दल एका खासगी संस्थेतर्फे आयोजित कार्यक्रमात दर्शनचा गौरव करण्यात येणार होता. गणेश सभागृह, न्यू इंग्लिश स्कूल, टिळक स्ट्रीट येथे कार्यक्रम 10 चे आयोजन करण्यात आले होते.

मात्र, या घटनेनंतर त्याचा फोन उचलला नसल्याचे त्याच्या पालकांचे म्हणणे आहे. पालकांनी 12 जून रोजी संबंधित संस्थेत चौकशी केली असता त्यांनी सांगितले की, कार्यक्रमानंतर दर्शना निघून गेली. त्यामुळे तिच्या वडिलांनी १२ जून रोजी सिंहगड रोड पोलिस ठाण्यात हरवल्याची तक्रार दाखल केली. मुलीच्या आई-वडिलांनी तिच्या मित्र-मैत्रिणींकडे चौकशी केली असता ती राहुल दत्तात्रय हंडोरे यांच्यासोबत सिंहगड आणि राजगड किल्ले पाहण्यासाठी जाणार असल्याची माहिती मिळाली. दरम्यान, या सर्व प्रकारानंतर राहुल हंडोरेही बेपत्ता आहे. तरुणीच्या मृतदेहाजवळ तरुणाचे जर्कीन सापडले आहे. मात्र, तिचा मित्र अद्याप घरी न आल्याने नातेवाईक त्याचा शोध घेत आहेत. हा अपघात आहे की आणखी काही? वेल्हे पोलीस तपास करत आहेत.

मृतदेहाची ओळख पटली आहे. मुलगी कोणासोबत तेथे गेली, घरी जाण्यापूर्वी तिने काय सांगितले, याची माहिती घेतल्यानंतर नातेवाईकांची चौकशी केली जाईल. सध्या तिच्या कुटुंबीयांना मोठा धक्का बसला आहे. असे पोलिसांनी सांगीतले. घटनेचा तपास यावेळी पोलीस हवालदार औदुंबर अडवाल, ज्ञानदीप धिवर, अजय शिंदे, गणेश चंदनशिव, स्थानिक पोलीस पाटील बाळासाहेब रसाळ, राहुल बांदल, करत आहेत.