हैदराबाद आणि कोलकाता नाइट रायटर्स यांच्यात सामना रंगणार ; असे असणार खेळाडू !

दै. बातमीदार । ४ मे २०२३ ।  आयपीएलचा 47 वा सामना आज सनरायजर्स हैदराबाद आणि कोलकाता नाइट रायटर्स यांच्यामध्ये खेळवला जात आहे. हैदराबादच्या राजीव गांधी आंतरराष्ट्रीय स्टेडिअमवर हे दोन्ही संघ एकमेंकाविरोधात दोन हात करण्यास तयार आहे. हैदराबादचा कर्णधार एडन मार्करम आणि केकेआरचा कर्णधान नीतीश राणा यांची कसोटी लागणार आहे. दोन्ही संघामध्ये काटें की टक्कर होण्याची शक्यता आहे. दोन्ही संघाची आतापर्यंतची कामगिरी निराशाजनक राहिली आहे. त्यामुळे प्लेऑफमध्ये पोहचण्याची शक्यता धुसूर झाली आहे. दोन्ही संघ दुसऱ्यांदा एकमेंकाचा सामना करत आहेत.

सनरायजर्स हैदराबादने कोलकाता नाइट रायडर्सला इडन गार्ड्नस मैदानावर 23 धावांनी हरवले होते. या सामन्यात हॅरी ब्रूक याने शतकी खेळी केली होती. हे यंदाच्या आयपीएलमधील पहिले शतक होते. दोन्ही संघातील हा सामना रोमांचक झाला होता. पण अखेरीस हैदराबादने बाजी मारली. हैदराबादने कोलकात्याला घरच्या मैदानावर हरवले. याच पराभवाचा बदला घेण्यासाठी कोलकाता मैदानावर उतरणार आहे. कोलकाता आणि हैदराबाद दोन्ही संघाला प्लेऑफधील आव्हान जिवंत ठेवण्यासाठी विजय गरजेचा आहे. त्यामुळे हा सामना रोमांचक होण्याची शक्यता आहे. हैदराबाद आणि कोलकाता संघ कोणत्या 11 खेळाडूंसह मैदानात उतरू शकतात पाहूयात..

सनराइजर्स हैदराबादची संभावित प्लेईंग 11 कशी असेल ?
मयंक अग्रवाल, अभिषेक शर्मा, राहुल त्रिपाठी, एडन मार्करम (कर्णधार), एनरिक क्लासेन (विकेटकीपर), हॅरी ब्रूक, अब्दुल समद, मयंक मार्कंडे, भुवनेश्वर कुमार, अकील हुसेन, उमरान मालिक
कोलकाता नाइट रायडर्सच्या संघात कोण कोण?
एन जगदीसन, रहमानुल्लाह गुरबाज (विकेटकीपर), नितीश राणा (कर्णधार), रिंकू सिंह, आंद्रे रसेल, सुनील नारायण, डेविड विसे, शार्दुल ठाकुर, हर्षित राणा, वरुण चक्रवर्ती

हैदराबादने आपल्या मागील सामन्यात दिल्लीचा पराभव केला होता. त्यानंतर मार्करमच्या नेतृत्वातील संघाचा आत्मविश्वास बळावला असेल. तर कोलकाता नाइट राइडर्स संघाला आपल्या अखेरच्या सामन्यात पराभवाचा सामना करावा लागला होता. गुजरातने कोलकात्याचा पराभव केला होता. कोलकाता विजयाच्या पटरीवर परतण्यास उत्सुक असेल तर हैदराबाद विजयी लय कायम राखण्यासाठी मैदानात उतरेल. दोन्ही संघातील सामना रंगतदार होण्याची शक्यता आहे.
सनरायजर्स हैदराबाद आणि कोलकाता नाइट रायडर्स यांच्यात आज, 04 मे रोजी लढत पाहायला मिळणार आहे. हा सामना हैदराबादच्या राजीव गांधी आंतरराष्ट्रीय स्टेडिअमवर संध्याकाळी 7.30 वाजता पार पडणार आहे. त्याआधी संध्याकाळी 7 वाजता नाणेफेक होईल.