मणीपुरात महिलांनी काढली मशाल रॅली

बातमीदार | ३० सप्टेंबर २०२३ | देशातील मणिपूर राज्यात गेल्या काही महिन्यापासून सुरु असलेल्या हिंसा सुरूच असल्याने आता मणिपुरात 2 विद्यार्थ्यांच्या मृत्यूनंतर गेल्या आठवडाभरापासून निदर्शने सुरू आहेत. शुक्रवारी रात्री हजारो महिलांनी इम्फाळ पूर्व जिल्ह्यातील खुराई भागात मशाल पेटवून रॅली काढली. मात्र सुरक्षा दलांनी त्यांना लामलाँगजवळ अडवले. महिला आणि पोलिसांमध्ये रात्रभर चकमक सुरू होती. वृत्तानुसार, आंदोलकांनी मणिपूरचे आमदार एल सुशिंद्रो यांच्या घरी जाण्याचा प्रयत्न केला. त्यांना रोखण्यासाठी पोलिसांनी अश्रुधुराचे नळकांडे आणि बनावट बॉम्ब फेकले.

23 सप्टेंबर रोजी दोन्ही विद्यार्थ्यांच्या मृतदेहाचा फोटो सोशल मीडियावर व्हायरल झाला होता, त्यानंतर तणाव वाढला होता. 27 सप्टेंबर रोजी मणिपूरच्या थौबल जिल्ह्यात हिंसक जमावाने भाजप कार्यालयाला आग लावली. एका दिवसानंतर, इंफाळ पूर्वेतील लुवांगसांगबम येथे मुख्यमंत्री एन बिरेन सिंह यांच्या खासगी घरावर हल्ले करण्यासाठी बदमाश आले, परंतु पोलिसांनी त्यांना घराच्या 500 मीटर आधी रोखले.

सध्याची परिस्थिती पाहता सरकारने इंफाळमधील भाजप कार्यालयाच्या सुरक्षेसाठी CRPF-RAF तैनात केले आहे. शुक्रवारी, इम्फाळ पूर्व आणि इंफाळ पश्चिम जिल्ह्यांमध्ये सकाळी 5 ते 11 वाजेपर्यंत संचारबंदी शिथिल करण्यात आली. शनिवारी सायंकाळी 5 ते दुपारी 2 या वेळेत संचारबंदी शिथिल करण्यात आली आहे. दुसरीकडे मणिपूरमध्ये आंदोलक विद्यार्थ्यांवर झालेल्या लाठीचार्ज प्रकरणाच्या चौकशीसाठी समिती स्थापन करण्यात आली आहे. पोलीस महासंचालक राजीव यांनी 29 सप्टेंबर रोजी ही माहिती दिली. 27 सप्टेंबर रोजी दोन बेपत्ता विद्यार्थ्यांच्या हत्येचा निषेध करणाऱ्या विद्यार्थ्यांवर पोलिसांनी खरोखरच लाठीचार्ज केला होता का, हे समिती शोधून काढेल, ज्यामध्ये 45 विद्यार्थी जखमी झाल्याचा दावा करण्यात आला आहे.