साडेतीन हजाराच्या गांजासह तरुणास अटक; पाचोरा पोलिसांची कारवाई

advt office
बातमी शेअर करा...

दै. बातमीदार | ६ एप्रिल २०२४ | पाचोरा शहरातुन साडेतीन हजाराच्या गांजासह तरुणास ताब्यात घेतल्याची कारवाई पाचोरा पोलिसांनी केली आहे. जळगाव शहरात चौफुलीवर नाकाबंदी करत असलेल्या पोलिस पथकाने सदर कारवाई केली आहे.

 

जळगाव शहर चौफुलीवर नाकाबंदी करत असलेले पोलिस उपनिरीक्षक धरमसिंग सुंदरडे यांना एक तरुण हातात पिशवी घेऊन संशयास्पदरित्या जात असतांना आढळला. पोऊनि धरमसिंग सुंदरडे यांनी तरुणाची विचारपूस करत पिशवीची झडती घेतली असता पिशवीत हिरव्या रंगाचा चिकट पदार्थ आढळुन अलीत. त्याचा वास घेतला असता गांजा सदृश भांग असल्याचे निष्पन्न झाले.

 

तरुणाचे नाव साई ज्ञानेश्वर चित्ते (वय १९) असे असून पोऊनि धरमसिंग सुंदरडे यांनी पोलिस स्टेशनमधुन पोलिस हेड कॉन्स्टेबल राहुल शिंपी, पो. कॉ. योगेश सुरेश पाटील, व महिला पोलिस कॉन्स्टेबल शारदा भावसार यांना वजन काटा घेऊन पाचारण केले‌. हस्तगत करण्यात आलेल्या गांजा सदृश भांगचे वजन केले असता ३ हजार ४०० रुपये किंमतीचे गांजा सदृश भांग व साई चित्ते याचेजवळुन ९१० रुपये रोख हस्तगत करण्यात आले. साई चित्ते याचे विरुद्ध गुन्हा नोंदविण्यात आला असुन या घटनेचा पुढील तपास पोलिस निरीक्षक अशोक पवार यांच्या मार्गदर्शनाखाली पोलिस उपनिरीक्षक धरमसिंग सुंदरडे हे करीत आहे.

बातमी शेअर करा...
Jain advt

दै. बातमीदार चे अपडेट्स मिळवण्यासाठी आम्हाला फॉलो करा

फेसबुकट्विटर ।युट्युब | इंस्टाग्राम | गुगल न्यूज | टेलिग्राम