रावेर शहरात आज श्री खाटू श्यामजी यांचा भव्य दरबार व संकीर्तन

रावेर प्रतिनिधी

येथील सार्वजनिक नवदुर्गा उत्सव मंडळातर्फे रावेर शहरात प्रथमच राजस्थान येथील श्री खाटू श्यामजी यांचा भव्य दरबार व श्याम संकीर्तन कार्यक्रमाचे आयोजन दि. १७ ऑक्टोबर शानिवार रोजी आयोजित केला आहे.
येथील महाराजा अग्रसेनजी चौक, येथे संध्याकाळी ६.३० वाजेपासून सुरु होणा-या या कार्यक्रमासाठी मोरवी नंदन सरकार यांचा श्याम दरबार व अखंड ज्योत लागणार आहे या कार्यक्रमात भजनांची प्रस्तुती देण्यासाठी मध्य प्रदेशातील प्रसिद्ध भजन गायिका सौ. श्रुतिका जी राठोड व कपिल जी नामदेव हे येणार आहेत. म्युझिकल ग्रुप हरदा येथील आहे.
भगवान श्रीकृष्णांचा वरदान असलेले श्री खाटू श्यामजी यांचा या कलियुगात प्रचार व प्रसार दिवसेंदिवस वाढत आहे व अनेक भाविक भक्त दररोज रावेर व परिसरातून खाटू श्याम या ठिकाणी जात असतात. परंतु काही भक्तांचे तेथे जाणे होत नाही. याची जाणीव ठेवून सार्वजनिक नवदुर्गा उत्सव रावेर च्या मंडळाने रावेर येथेच श्री खाटू श्यामजी बाबा यांचा भव्य दिव्य दरबार व ज्योत कार्यक्रम आयोजित करून त्यांच्या सुमधुर भजनांचा कार्यक्रम आयोजित केलेला आहे. जेणेकरून रावेर येथेच सर्वांना बाबांचे दर्शन होईल
सदर कार्यक्रमाचा लाभ रावेर व परिसरातील सर्व भावीक भक्तांनी अवश्य लाभ घ्यावा अशी विनंती समितीचे अध्यक्ष विशाल अग्रवाल, उपाध्यक्ष संदीप महाजन, सचिव अजिंक्य वाणी, खजिनदार विपुल अग्रवाल, सल्लागार रवींद्र पाटील, नगरसेवक नितीन महाजन, व्यापारी तुषार अग्रवाल, सदस्य अक्षय मानकर, डी.डी. वाणी, अशोक गायकवाड, हर्षल महाजन, अर्पित अग्रवाल, मिलिंद महाजन, सोनू अग्रवाल, संजय बुवा यांनी केले आहे.
सार्वजनिक दुर्गा उत्सव मंडळाची गेल्या पाच दशकांची अखंड परंपरा आहे येथील दुर्गा मातेची मूर्ती ही नवसाला पावणारी मूर्ती आहे पूर्ण रावेरवासीयांची मातेवर श्रद्धा आहे दरवर्षी सार्वजनिक नवदुर्गा उत्सव मंडळाकडून वेगवेगळे सांस्कृतिक धार्मिक कार्यक्रमांचे आयोजन होत असते. संपूर्ण शहरातून सार्वजनिक मंडळाला एक वेगळाच मान असतो दरवर्षी मंडळाकडून विधिवत स्थापना सत्यनारायण महापूजा यज्ञ व भव्य मिरवणुकीचे आयोजन होत असते. यावर्षी दि. २१ ऑक्टोबर बुधवार रोजी दुपारी पाराचा गणपती मंदिरापासुन रावेर शहरातून मातेची भव्य विसर्जन मिरवणूक निघेल, यात शहरातील सर्वच दुर्गा मंडळे सहभागी होतील.