पंप हाऊसवरून पडून तरुणाचा मृत्यू; कडगाव येथील दुर्दैवी घटना

पंप हाऊसवरून पडून तरुणाचा मृत्यू; कडगाव येथील दुर्दैवी घटना
जळगाव : पाटबंधारे विभागाच्या पंप हाऊसच्या इमारतीवरून खाली पडून एका तरुणाचा मृत्यू झाल्याची दुर्दैवी घटना १३ एप्रिल रोजी कडगाव येथे घडली. मुजम्मील मुमताजमिया हक (वय ३६, रा. कडगाव, ता. जळगाव) असे मृताचे नाव आहे.

मुजम्मील हक हे कडगाव शिवारातील पंप हाऊसच्या इमारतीवर पाणी मारण्याचे काम करीत होते. काम करत असताना तिसऱ्या मजल्यावर त्यांचा तोल जाऊन ते खाली कोसळले. गंभीर जखमी अवस्थेत त्यांना शासकीय वैद्यकीय महाविद्यालय व रुग्णालयात दाखल करण्यात आले; मात्र डॉक्टरांनी त्यांना मृत घोषित केले.

या प्रकरणी नशिराबाद पोलिस ठाण्यात आकस्मिक मृत्यूची नोंद करण्यात आली असून पुढील तपास सुरू आहे.