वाद उफाळला आदिपुरुषचे संवाद बदलले !

दै. बातमीदार । २२ जून २०२३ ।  देशात दोन दिवसपासून आदीपुरुष चित्रपट प्रदर्शित झालेला असून या चित्रपटाबाबत अनेक वाद निर्माण झाला असतांना आता आता आदिपुरुष चित्रपटात तुम्हाला भगवान हनुमानाच्या तोंडून “जलेगी भी तेरे बाप की…” सारखे संवाद ऐकायला मिळणार नाहीत. निर्मात्यांनी चित्रपटाचे संवाद बदलले आहेत, ज्याबद्दल चित्रपट प्रदर्शित झाल्यापासून वाद निर्माण झाले होते. “कपडा तेरे बाप का, तेल तेरे बाप का, आग तेरी बाप की, ते जलेगी भी तेरे बाप की” या अत्यंत वादग्रस्त संवादाऐवजी हनुमान म्हणताना दिसणार आहे- “कपड़ा तेरी लंका का, तेल तेरी लंका का, आग तेरी लंका की तो जलेगी भी तेरी लंका ही।

मंगळवारपासून चित्रपटात हे बदल करण्यात आले आहेत. याशिवाय इतर काही संवादही बदलण्यात आले आहेत. तथापि, भाषेत फारसा बदल झालेला नाही, फक्त काही शब्द बदलले आहेत. उदाहरणार्थ, जिथे हनुमानाला तू म्हणतात, तिथे तुम्ही केले गेले. लंका लगा देंगे ऐवजी लंका में आग लगा देंगे करण्यात आले आहे.

सोशल मीडियावर समोर आलेल्या एका व्हिडिओमध्ये हा बदल दिसून आला. असे अनेक संवाद ज्यात पूर्वी तू आणि तेरे सारखे शब्द वापरले जात होते तेही बदलून तुम आणि तुम्हारा असे करण्यात आले आहेत. यापूर्वी, प्रेक्षकांनी चित्रपटाच्या टपोरी संवादांवर आक्षेप घेतला होता, त्यानंतर निर्मात्यांनी ते बदलण्याचे आश्वासन दिले होते. दरम्यान, मंगळवारी या चित्रपटाच्या कलेक्शनमध्ये आणखी घट नोंदवण्यात आली. पाचव्या दिवशी या चित्रपटाने जगभरात केवळ 20 कोटींची कमाई केली आणि फक्त 10 कोटी ऑल इंडिया कमावले. यासह चित्रपटाने आतापर्यंत 395 कोटींची कमाई केली आहे. प्रभास आणि क्रिती सेनन स्टारर हा चित्रपट रिलीज झाल्यापासून वादात सापडला आहे.