तुम्हाला ‘असे’ मेसेज आले आहे का ? सावधान फसाल 

दै. बातमीदार । २० ऑक्टोबर २०२२ ।  देशात दिवाळी सन दोन दिवसावर आल्याने तुम्हालाही विविध मोबाईल नंबरहून फोन येत असेल हि ऑफर आहे तुम्हाला गिफ्ट भेटले आहे. असे फोन आले असेल तर सावधान.. वेगवेगळ्या वेबसाईटवर मोफत दिवाळी गिफ्टच्या  ऑफर येत आहेत.

दिवाळी निमित्त सायबर चोरटे या संधीचा फसवणुकीसाठी पूर्ण फायदा उचलण्यासाठी तयार आहेत. फ्री दिवाळी गिफ्टच्या  नावाने ही फसवणूक होऊ शकते. त्यामुळे इंडियन कॉम्प्यूटर इमर्जन्सी रिस्पॉन्स टीमने अशा पद्धतींच्या घोटाळ्यांपासून किंवा फसवणुकीपासून सावधगिरी बाळगण्याचा इशारा दिला आहे. जर तुम्ही अशा अफवांना बळी पडला तर क्षणातच तुमचे बँक खाते  रिकामे होऊ शकते.

सोशल मीडिया प्लॅटफॉर्मवर मेसेज व्हायरल 

विविध सोशल मीडिया (Social media) प्लॅटफॉर्मवर (व्हॉट्सअ‍ॅप, टेलिग्राम, इंस्टाग्राम इ.) फेक मेसेज फिरत आहेत. सणासुदीच्या ऑफरचा खोटा दावा करून वापरकर्त्यांना गिफ्ट लिंक्स आणि बक्षिसे (Gifts) देऊन भुरळ घालतात, असे त्यात म्हटले आहे. फसवणूक करणारा बहुतेक महिलांना लक्ष्य करत आहे आणि त्यांना व्हॉट्सअ‍ॅप/टेलिग्राम/इन्स्टाग्राम खात्यांवरील समवयस्कांमध्ये लिंक शेअर करण्यास सांगत आहे.

पीडित व्यक्तीला एक संदेश प्राप्त होतो ज्यामध्ये लोकप्रिय ब्रँडच्या वेबसाइट्सप्रमाणेच फिशिंग वेबसाइटची लिंक असते आणि प्रश्नावलीचे उत्तर दिल्यावर बक्षीस किंवा विशेष सणाच्या ऑफरचा खोटा दावा केला जातो. हल्लेखोर नंतर वापरकर्त्यांना वैयक्तिक माहिती, बँक खात्याचे तपशील, पासवर्ड, ओटीपी यासारखी संवेदनशील माहिती देण्याचे आमिष देतात किंवा अॅडवेअर आणि इतर प्रतिकूल हेतूंसाठी वापरतात. गुंतलेली वेबसाइट लिंक मुख्यतः चीनी (.cn) डोमेन आणि इतर विस्तार जसे की .top, .xyz आहेत.