सुशिक्षित पदवीधरांना संधी : इतक्या पदांवर होणार भरती !

बातमीदार | २० सप्टेंबर २०२३

राज्यातील अनेक सुशिक्षित तरुणासह तरुणी बेरोजगार असल्याने अनेकांना संधी कमी प्रमाणात मिळत आहे. नुकतेच केंद्र व राज्य लोकसेवा आयोगाव्यतिरिक्तही अनेक महत्त्वाच्या, भरपूर पगार व प्रतिष्ठा असणाऱ्या नोकऱ्या आहेत. त्यासाठी जर प्रयत्न केले तर सुशिक्षित पदवीधरांना नव्या वाटा, नवीन संधीतून आयुष्याचे सोने करता येणे शक्य आहे.

राष्ट्रीय कृषी व ग्रामीण विकास बँक (नाबार्ड) कडून नुकतीच सहाय्यक व्यवस्थापक पदाच्या (ग्रेड अ) भरतीसाठी अधिसूचना जारी करण्यात आली आहे. तब्बल १५० जागांसाठी ही भरती केली जाणार आहे. अनुसूचित जाती, जमाती आणि अपंग प्रवर्गातील उमेदवारांसाठी अर्जाचे शुल्क १५० रुपये असून इतरांसाठी ८०० रुपये परीक्षा शुल्क आहे. पदासाठी अर्ज करणाऱ्या उमेदवारांचे किमान वय २१ वर्षे तर कमाल वय ३० वर्षे आहे. राखीव प्रवर्गातील उमेदवारांना नियमानुसार वयोमर्यादेत सूट आहे.

सहाय्यक पदासाठी पूर्वपरीक्षा व नंतर यात उत्तीर्ण झालेल्यांची मुख्य परीक्षा घेतली जाणार आहे. पूर्वपरीक्षा ऑक्टोबर महिन्यात नियोजित आहे. उमेदवारांनी विहित नमुन्यात ऑनलाइन अर्ज करणे आवश्यक आहे. अर्ज करण्याची अंतिम तारीख २३ सप्टेंबर २०२३ आहे. अर्ज करण्यापूर्वी, इच्छुक उमेदवारांनी अधिकृत संकेतस्थळ nabard.org ला भेट देऊन सविस्तर माहिती घ्यावी.